Riga-ekskursjon 15-18. september 2014
Denne bloggen er ein dokumentasjon av Riga-ekskursjonen som var del av emnet «HIS113 Urbanisering i Nord-Europa 1000-1750». Ekskursjonen blei gjennomført 15-18. september 2014
Programmet for ekskursjonen
Dag 1 (Mandag 15/9): Reiste til Riga med direktefly frå Bergen. Først frokost/tidleg lunsj, deretter samling på hotellet med gjennomgang av program og mål for ekskursjonen. Innsjekking. Frå ca. kl. 14:00 fekk vi ein 2timers guiding gjennom sentrale delar av Riga ved historiker/kunsthistorikar Ieva Kalnacka som arbeider med Kunsthistorisk museum i Riga. Fagleg program avslutta ca. kl. 16:00 og felles middag ca. kl. 19:00. Les meir
Dag 2 (Tirsdag 16/9): Geir Atle tok oss med gjennom den eldste delen av Riga. Den første bydanninga skjedde ved elva Riga som var ei sideelv til Duna(Dungava). I dag er denne sideelva gateløpa Meistaru Iela og Kaleju Iela. Deretter besøkte vi St. Peters kyrkja og gjekk til torget/Rådhusplassen. Kl. 17:00 var vi invitert til Vitenskapsakademiet av presidenten for Akademiet, Ojars Sparitis. Les meir
Dag 3 (Onsdag 17/9): Tema for dagen var Byens forsvar. Middelalders ringmur, fyrstens(statthaldarens) slott/festning, 1600-talets nye festningsverk (bastionar og vollgrav) og til slutt rivinga av festningsverka på 1800-talet for å gi rom til ein ekspanderande by. Frå kl. 15:00 var vi invitert til det nye nasjonalbiblioteket. Forelesing ved Gustavs Strenga og omvisning i utstillinga «1514-2014». Etter oss kom kronprisesse Victoria av Sverige – og hadde same program. På kvelden fekk studentane innføring i Latviske folkedans og nattliv ved historiestudentar frå Lativas Universitet. Les meir
Dag 4 (Torsdag 18/9): Tema for dagen var dokumentasjon. Studentane skulle på eiga hand og utan guiding dokumentere stader som vi hadde vitja tidlegare på ekskursjonen. Dokumentasjon med foto og tekst skulle bloggast. Ettermiddagen var fri, mange nytta tida til å gå på museum, andre shoppa. Les meir
Dokumentasjon og studentoppgåver
På denne bloggen kan alle deltakarane (brukarar) laste opp foto og skrive blogg-innlegg (Post).
Dokumentasjon av ekskursjonen er gruppevis (og frivillig). Dokumentasjonen skal bestå av foto av ein av dei stadane/objekta (institusjon, verksemd, gate, organisasjon, tomter, bygningar, «sites», objekt) vi har besøkt her i Riga. I tillegg til kommentarar og beskrivelse av kvart bilde skal det også skrivast ein kort samla framstilling. Fokus og moment i framstillinga vil sjølvsagt vere avhengig av kva ein beskriv (kloster, torg, gilde, festningsverk etc.) men nokre felles moment kan vere med:
- Dokumenter med foto kva som er på staden i dag. Om mogeleg vel ut eit hovudmotiv (foto).
- Lokaliser og kartfest staden på karta frå 1864 eller 1883. Dokumenter dagens og historiske (1864/1883) adresse.
- Finst det ein omtale eller dokumentasjon (plakat etc) på/ved staden som seier noko om stadens historie. Dokumenter med foto
- Beskriv med tekst og foto kva rolle/funksjon staden har i dag. Kva blir staden brukt til i dag? (Er det samanheng og likskap mellom historisk og notidas bruk/funksjon)
- Gjer ei vurdering av korleis staden blir omtalt i t.d. wikipedia (Latvisk/engelsk), og gi ei vurdering av kva som blir vektlagt i denne framstillinga